Поиск по сайту
Халықаралық Медбикелер күні қарсаңында үздік мамандарымызен таныс болыңыздар. Біздің мамандарымыз – біздің мақтанышымыз!Мамандығым мақтанышым.
Халықаралық медбикелер күні қарсаңында №17 Қалалық емхана емдеу-функционалдық диагностика бөлімшесінің аға медбикесі Эльмира Сламбекқызы Ерманова өзінің мамандығын таңдауы мен арманының орындалғаны туралы пікірін білдірді: «Мен 1993 жылы Алматы қалалық медициналық колледжін акушер мамандығы бойынша тәмамдаған едім. Жалпы, менің мамандық таңдауыма анам қатты әсер етті десем болады. Бала кезде мамандық таңдау не екенін білмейсің, аса бір қатты ойламайсың ғой. 15-16 жасымда анам Гүлпатша қатты ауырды, дәрілерін беріп, емделген кездерін қадағалап жүріп, болашақта адам арашасы – медик боламын деп шешім қабылдадым. Қазір сол таңдауымның дұрыс болғанына сенімдімін, себебі еңбегімнің жемісін жеп, керемет ұжымда, сүйікті пациенттеріммен ұнаған ісімді атқарамын. Таңдаған мамандығың ұнаса, еңбегіңді сүйсіне атқарсаң – содан артық бақыт бола ма?! 4 қызым бар, ең кенжесі қызым Жанель мен жетпеген шыңға жетіп, дәрігер болса екен деп армандаймын». Бізде өз тарапымыздан әріптесіміз Эльмира Сламбекқызын алда келе жатқан мерекесімен құттықтап, армандары орындала беруін тілейміз. Халықаралық медбикелер күні құтты болсын.
12 мамыр 2022 жылы №17 Қалалық емханада Конституцияға өзгерістер мен толықтыруларды қабылдау бойынша республикалық референдум референдумның өткізілуі туралыақпараттық-түсіндіру шарасы жүргізілді. Шараға Республикалық «DAZ» неміс газетінің бас редакторы - Клименко Олеся Сергеевна , Алматы қаласының қоғам қайраткері – Сулиева Майра Мағауянқызы, №17 Қалалық емхана бас дәрігерінің м.а. - Ким Виктор Эдуарович, №17 Қалалық емхананың заңгері - Филимонова Наталья Викторовна қатысты. Еліміздің Президенті Қасым-Жомарт Тоқаев атап өткендей:
«Конституциялық реформа бүкіл мемлекеттік үлгіні жан-жақты өзгертуге бағытталған. Түзетулер басқарудың «суперпрезиденттік» түрінен ықпалды парламент пен есеп беретін үкіметі бар президенттік республикаға түпкілікті көшуді біріктіруге арналған». Өзекті мәселені талқылау барысында қатысушылар еліміздің ертеңі және ұрпақ болашағы үшін референдумға белсене қатысу қажеттілігін атап өтті. Референдум Қазақстанның болашағын айқындайтын тарихи оқиғаға әрбір азаматтың тікелей қатысуына мүмкіндік береді.
Отбасының тірегі, елді бастар.Отанының қорғаны - азаматтар!
Құтты болып мереке баршаңызға
Бақ-береке әкелсін әр отбасына!
Халқымызда «Ер – елінің қорғаны» деген аталы сөз бар. Біз осындай жандардың ержүрек істеріне сай сый-құрмет көрсете отырып, бүгін ұжымымыздағы азаматтарды мерекемен құттықтап, жақсы көңіл-күй сыйладық. Емхананың нәзік жандары таңертең басталған құрмет шарасын мерекелік құттықтаумен жалғастырды. #17 Қалалық емхана ұжымы атынан еліміздің тыныштығын қорғайтын Отан қорғаушыларын 30 жылдық мерейлі мерекемен құттықтай отырып,
отбасыларыңызға амандық, береке-бірлік, еңбекте жеміс пен шығармашылық табыстар тілейміз. Бүгінгі 7 мамыр Отан қорғаушылар күні мерекелеріңіз құтты болсын! Құрметпен, #17 Қалалық емхана ұжымы!
Ата-баба жеңісі мен жетістігін мақтан тұту, ұрпақтан ұрпаққа жеткізу - біздің парызымыз. Берекелі бейбіт өмір сыйлаған ардақты ардагерлер - алдарыңызда бас иеміз! Біздің аталарымыз Ұлы Отан соғысының жеңімпазы! Біз жеңімпаз ұрпақпыз! #17 Қалалық емхананың ұжымы атынан барша Қазақстандықтарды Ұлы Отан соғысы Жеңісі күнімен құттықтаймын! Осы ұлы мерекенің ерлігі мен елдігі ешқашан ешкімнің есінен шығарылмасы анық. Жеңіс рухы әрбіріміздің жүректерімізді шабыттандырып, алға - жаңа жетістіктерге жетуге мүмкіндік береді. Бүкіл әлем әрқашан тату-тәтті өмір сүрсін деп тілейміз!
Құрметпен, Емхана ұжымы
Құрметті достар! Жақсылықтың жаршысы, тылсым табиғаттың жаңаруы кезінде келетін Наурыз мейрамын атап өту шаралары бастау алды.Халқымыздың ұлттық мәдениетін паш ететін
Наурыз мейрамы біздің ұжымда да аталып өтуі жылдан жылға рухани дәстүрге айналған.
Осы тамаша үрдісті жалғастырып, емханамыздың игілікті еңбегімен танылған мамандары #17 Қалалық емхана бас дәрігерінің Алғыс хатымен марапатталды, атап өтсек:
- №1 Жалпы тәжірибелік бөлімшенің тазалық сақшысы – Айжан Муталиповна Қамысбекова
- №2 Жалпы тәжірибелік бөлімшенің жасөспірімдер дәрігері – Эльмира Махсұтқызы Санбаева
- №3 Жалпы тәжірибелік бөлімшенің дәрігері – Балнұр Әлімжанқызы Маймышева
- Сәулелік функционалдық диагностика бөлімшесінің медбикесі – Эльмира Сламбекқызы Ерманова
- Педиатрия бөлімшесінің педиатры – Жамиля Абуталиповна Ибраимова
- Әйелдер кеңесі бөлімшесінің акушері – Олухан Масутовна Хусаинжданова
- Арнайы медициналық көмек бөлімшесінің кардиологы – Аманкүл Елубайқызы Елубай
- Интеграция бөлімшесінің фтизиатры медбикесі – Толунай Адилжановна Сабитова
- Ақылы бөлімшенің зертханашысы – Зинакуль Бескемпірқызы Нұрлыбай
- Профилактикалық бөлімшенің әлеуметтік қызметкері – Индира Анашбекқызы
- Әкімшілік- шаруашылық бөлімінің тазалық сақшысы – Сәуле Әбдірахманқызы Жусупова
- Тіркеу бөлімшесінің регистраторы – Ақылбек Асқарұлы Ермағанбетов. Әріптестерімізді марапатымен құттықтаймыз, осындай ұйымшылдығымыз бен берекелі бірлігімізді мақтаныш тұтамыз.
Қадам басып келе жатқан ұлықты мерекеміз - Наурыз мейрамы құтты болсын!
Мәзір
Room Booking
Thanks for staying with us! Please fill out the form below and our staff will be in contact with your shortly. The see all of our room options please visit the link below.
See All Rooms
See All Rooms