Құрметті пациенттер!

    Сіздерді Алматы қаласы Қоғамдық денсаулық сақтау басқармасының шаруашылық жүргізу құқығындағы «№17 қалалық емхана» коммуналдық мемлекеттік кәсіпорнының ресми сайтында шын жүректен қарсы алуға қуаныштымын.

Адам денсаулығы – ең жоғары құндылық, ал сапалы әрі қолжетімді медициналық көмек – қоғамның әл-ауқатының маңызды негізі. Сондықтан біздің емхананың басты мақсаты – әрбір пациентке заманауи, қауіпсіз, уақтылы және тиімді медициналық көмек көрсету.

Бүгінде емханамыз – халық денсаулығын сақтау мен нығайтуды ортақ мақсат еткен жоғары білікті дәрігерлердің, орта буын медицина қызметкерлерінің және білікті мамандардың кәсіби ұжымы. Біз медициналық қызметтердің сапасын тұрақты түрде арттырып, диагностика мен емдеудің заманауи әдістерін енгізіп, цифрлық технологияларды дамытып, профилактикалық бағыттағы жұмыстарды кеңейтіп, алғашқы медициналық-санитариялық көмектің қолжетімділігі мен тиімділігін арттыру бағытында жүйелі жұмыс жүргізіп келеміз.

Қызметіміздің басым бағыттарының бірі – кадрлық әлеуетті дамыту. Біз медицина қызметкерлерінің кәсіби біліктілігін арттыруға, заманауи басқару тәсілдерін енгізуге, ішкі жұмыс процестерін жетілдіруге және қызметкерлердің кәсіби дамуына қолайлы жағдай жасауға ерекше көңіл бөлеміз. Кәсібилік, жауапкершілік, әрбір пациентке құрметпен қарау және ашықтық – медициналық ұйымға деген сенімнің берік негізі деп санаймыз.

Біздің мақсатымыз – әрбір пациентке білікті медициналық көмек көрсетіп қана қоймай, өзара түсіністікке, қамқорлыққа және ізгі қарым-қатынасқа негізделген жайлы орта қалыптастыру. Сіздердің әрбір өтініштеріңіз бен пікірлеріңіз біз үшін маңызды. Олар көрсетілетін медициналық көмектің сапасын үздіксіз жетілдіруге және қызметімізді одан әрі жақсартуға мүмкіндік береді.

Емханамызға білдірген сенімдеріңіз үшін шынайы алғысымды білдіремін. Сіздерге және жақындарыңызға зор денсаулық, отбасыларыңызға амандық, бақ-береке және ұзақ ғұмыр тілеймін!

Құрметпен, ШЖҚ «№17 Қалалық емхана» КМК директоры м.а.

Алтынбекова Зарина Алтынбекқызы