№17 Қалалық емхана ұжымы алда келе жатқан 1 маусым - Халықаралық балаларды қорғау күнімен баршаңызды құттықтайды. Елімізде 2022 жыл - Балалар жылы болып жариялануына байланысты көптеген игі шаралар жоспарланған, әсіресе балалар денсаулығын жақсартуға нақты жоспарлар қолға алынды. #17 Қалалық емхана қызметкерлері осы Балалар жылы аясында "Мейірімділік шапағатын сыйлайық!" атты акциясын өткізуді бастады. Акция барысында емхана мамандарының қамқорлығы мен бақылауына алынған ерекше сәбилерге сыйлықтар мен пайдалы тағамдары бар жинақтар сыйға тартылады. Мерекеге дейін әр күн сайын кішкентай пациенттеріміздің үйіне барып, сыйлық сыйлап, көңіл күйін көтеріп, өз мейірімділігімізді танытамыз. Емханаға тіркелген әрбір он алты ерекше сәби назардан тыс қалмайды.