№17 Қалалық емхананың «Екі жұлдыз» байқауының ІІ орын жеңімпаздары, емхананың 2-Жалпытәжірибелік дәрігерлер бөлімшесінен қатысқан тамаша дуэт – Ермек пен Назерке жұлдызды жұп ретінде танылып, дарындылықтың даралығын танытты. Әріпестерімізді жеңісімен құттықтаймыз.

Таланттар мен дарындар жарысы бүгін №17 Қалалық емханада өтті. Халықаралық медициналық қызметкерлері күні қарсаңында емханамыздың өнерлі қызметкерлері «Екі жұлдыз» байқауына қатысып, дарындылық қырын паш етті. Байқауға қатысып, Жанды дауыста ән салған Жұлдыздардың арасынан сыннан сүрінбей өткен үздіктердің үздігін кәсіби мамандар мен танымал тұлғалардан құралған әділқазылар алқасы анықтады

"Мейірімділік - жүректен" - деп дана халқымыз бекер айтпаған. Біздің осындай әрқашан мейірімділік танытып, азаматтық парызын алға қоятын әріптесімізді мақтан тұтамыз.

Дүниежүзілік қан доноры күні аясында 2022 жылдың 14 маусымында Қалалық қан орталығында ұйымдастырылған арнайы шараға емханамыздың денсаулық менеджері, СӨС дәрігері Болат Бестембаев және психолог маманымыз Айбала Баялиева донор ретінде қан тапсырып,

өз үлесін қосты. Қан тапсырудың маңыздылығы мен адам өмірін құтқаруға қосатын пайдасын жоғары бағалаған әріптесімізге зор денсаулық және осындай мейірімділік тынысының таусылмауын тілейміз!

Дүниежүзілік отбасы дәрігерлері күні. Дәрігер көмегіне жүгінбейтін отбасы болмайды, әр үйдің сүйікті дәрігері, сыйлайтын ақ халатты абзал жаны болады.

Біздің емханада учаскелік дәрігерлер әр отбасының тыныс-тіршілігімен бір екенін білеміз. Отбасы дәрігері қария мен балаға, ана менен жасөспірімге, әр отбасы мүшесіне кеңес беріп, емдейді, тіпті сол отбасының жақын жанына айналған. Себебі, адам жаны қиналғанда өз дәрігеріне жүгінеді. Айнұр Мұхитқызы Құрбанбаева 2017 жылы Санжар Асфендияров атындағы Қазақ Ұлттық медициналық университетін тәмамдап, #17 Қалалық емханаға қызметке орналасқан. Осы бес жылдағы тәжірибесімен бүгін Айнұр Мұхитқызы бөліседі: "Университет тәмамдап, қаладағы ең танымал емханаға қызметке орналасқанда, алғашқы ойым - отбасы дәрігері бола аламын ба, қандай дұрыс шешім қабылдау керек, арманыма айналған мамандықты қалай жақсы игерсем екен еді. Міне, бес жылда мамандықты дұрыс таңдағаныма сенімдімін. Біріншіден, акушер-гинеколог дәрігер болған әжемнің батасы тек мамандық таңдауға себеп болмай, батасын бергендігінде. Күнделікті өмірде қиындық болсын, қуаныш болсын, әжемнің: "Дәрігер болу оңай емес, өз өміріңді емес, пациенттің жанына шипа, дертіне дауа табу жолын ойлап, бар ғұмырыңды мамандығыңа арнасаң, нағыз дәрігер боласың" - деген сөзі мәңгі есімде қалған соң қолдау береді. 2019 жылдан бері бөлімше меңгерушісі қызметін атқарамын, бұл әкімшілік пен ұжымның маған артқан сенімі. Ал сенімді ақтау - менің парызым'. Осындай білікті мамандарымызды мақтан тұтамыз, емханамызда көмек көрсетілетінін әр отбасына кәсіби білікті жалпытәжірибелік көмек көрсетіп жүрген мықты мамандарымызды Дүниежүзілік отбасы дәрігерлері күнімен құттықтаймыз, пациенттеріміздің алғысына бөленіп, жақсылық жетістігінен көрініңіздер! Құрметпен, #17 Қалалық емхана ұжымы.