Бүгін Мемлекет басшысы Қасым-Жомарт Тоқаев қос палатаның бірлескен отырысына қатысып, Қазақстан халқына Жолдау жасады. Атап өтерім, осы Жолдау халықтың көкейіндегі өзекті мәселелерді айқындап, нақты бағдарымызды белгілеп берді. Елінің ертеңіне алаңдаған Мемлекет басшысы: «Отаншылдық рухы жоғары ел – көздеген мақсатына қалай да жетеді. Біздің мұратымыз – Жаңа Қазақстан құру. Бұл нені білдіреді? Жаңа Қазақстан дегеніміз – егемен елдің болашақтағы бейнесі. Өз елінің ертеңіне сенбеген халық – мықты мемлекет құра алмайды. Бұл тарихтан талай мысал келтіруге болады. Біздің келешегіміз кемел боларына және жарқын болашақты өз қолымызбен жасай алатынымызға сенеміз» - деп атап өтті. Сонымен қатар, елді мекендерде халыққа қолайлы жағдай жасау үшін өзгерістер ұсынылды. Алматы облысын екі аумақтық облысқа бөлу арқылы халық пен билік арасындағы байланысты жақсарту көзделгені мәлім, Семей қаласын орталықтандырып, Абай облысын құру, Жезқазған облысының аумағында Ұлытау облысын құру арқылы елдің рухын көтеретін мықты шешім қабылданды деп ойлаймын. Сонымен қатар, әкімдерді сайлау, сенат пен мәжіліс бағытындағы ұсынылған өзгерістер Жаңа Қазақстанның болашағын айқындайтын қадамдардың бірі деп ойлаймын.
Құрметпен, Айгүл Тәжиева

#17 Қалалық емхананың ұжымы халқымыздың басына түскен сын сағатта елін қорғау үшін ерлік танытып қаза болған азаматтарымыздың жақындары мен отбасына қайғырып көңіл айтамыз. Бұл оқиға бәрімізге өте ауыр болғаны мәлім. Еліміздің Президенті Қасым-Жомарт Тоқаевтың салиқалы саясатының арқасында бірлігіміз бен ынтымақтастығымыз сақталып қалды. Өкінішке орай сүйікті қаламыз Алматы отқа оранып, орасан зиян келтірілді. Дегенмен біріге отырып, қала әкімдігінің жетекшілігімен барлығы қалпына келтірілетініне сенеміз. Біз әрқашан біргеміз. Күшіміз Бірлікте! Наша сила в Единстве!

Көктемнің шуағымен келген құрметті арулар мерекесі қарсаңында №17 Қалалық емхананың азаматтары жұмыс күнін құттықтаудан бастады. Емхана есігін ашқан әр аруға гүл шоғын сыйлап, ерекше лебіз білдірді. Мереке құрметіне өткізілген салтанатты шарада ең еңбекқор, ең әдемі аруларымыз сый-сыяпатқа бөленді:
емхананың «Үздік маманы» марапатымен:
- Әлия Орынтайқызы Мекебекова;
- Дария Сүндетбайқызы Үсенбекова;
– Жансая Кенжімханқызы Құдабаева;
– Ақерке Жұмағалиқызы Болатханова;
Бостандық ауданының әкімі Алтай Рахимбетовтың атынан Алғыс хатымен:
– Камилла Құмарқызы Керімбекова;
Еліміздің жетекші партиясы атынан Алғыс хатпен нағыз белсенді арулар:
– Гүлмира Аманқұлқызы Урисбаева;
– Айнұр Алмасбекқызы Естаева;
– Әйгерім Рахымжанқызы Мұсабаева;
– Арайлым Ибрагимқызы Төлеген;
–Гаухар Қазыбекқызы Еспаева;
– Әлия Шакенқызы Тлеумбетова;
- Аида Салимтайқызы Искакова; марапатталды.
Ардақты аруларымызды көктемнің алғашқы ең керемет мерекесімен құттықтаймыз: Сіздер бір отбасын емес, бүкіл әлемді аялы алақандарыңызбен тербете алатын, адамзат баласының ары, рухы, жігерісіздер. Тәуелсіз Қазақстанымыздағы бейбіт тірлік пен бірліктің, жарқын болашаққа деген сенімнің, ізгілік пен мейірімділіктің ұйытқысы да өздеріңіз.
Бүгінгі мерекелеріңізбен тағы да бір мәрте құттықтай отырып, дендеріңізге саулық, шаңырақтарыңызға шаттық, ырыс-құт тілейміз. Әр таңдарыңыз арайлап атып, күндеріңіз нұрға толсын! Құрметпен, №17 Қалалық емхана ұжымы.