Репродуктивті денсаулық мәселелеріне арналған дәріс
№70 жалпы білім беретін мектептің 8–9-сыныптарында оқитын 90-нан астам қыз бала репродуктивті денсаулық мәселелеріне арналған дәріске қатысты. Дәрісті №17 қалалық емхананың салауатты өмір салты дәрігері У. М. Амиркенова өткізді. Кездесу барысында ерте жүктілік, жеке бас гигиенасы тақырыптары талқыланып, өзіне күтім жасау жөнінде ұсыныстар берілді. Оқушылар дәрісті мұқият тыңдап, сұрақтарын қойып, жан-жақты жауап алды. Мұндай кездесулер - өскелең ұрпақтың денсаулығын сақтауға қосылған маңызды үлес.

