Аурудың алдын ал! Асқындырма! Өз денсаулығың - өз қолыңда!
Осындай ұстанымды басшылыққа алған #17 Қалалық емхана және Алматы Онкологиялық орталығының мамандары қатерлі ісікті дер кезінде анықтау, онкологиялық белгісі бар аурулардың алдын алу мақсатында 20 тамызда Ашық есік күнін ұйымдастырды. Емханаға келген әр пациенттерімізге Онкологиялық орталығының маммолог-дәрігері Қайсар Амангелдіұлы Накипбеков, онколог-дәрігері Ирина Владимировна Мещанинова және онкогинеколог-дәрігері Айсұлу Исабекқызы Сарменова кеңес беріп, арнайы мамандандырылған көмекті қажеттілігіне қарай көрсетті. Дер кезінде анықталған дерттің емін табуға мүмкіндік бар, сондықтан осындай Ашық есік күндерінде арнайы мамандар кеңесіне жүгіну - денсаулығымызға деген жауапкершілікті арттырарына сенеміз.